شیروان میرزا ئه‌ندامی لیژنه‌ی دارایی په‌رله‌مانی عێراق له لێدوانێکی رۆژنامه‌وانیدا وتی: "نرخی ئێستای دۆلار به‌رامبه‌ر دینار که 1450 دیناره بۆ هه‌ر دۆلارێک و له‌لایه‌ن بانکی ناوه‌ندییه‌وه دیاریکراوه، ره‌نگه چه‌ند ساڵێک به‌رده‌وام بێت و ناکرێت که‌مبکرێته‌وه چونکه له یاسای بودجه بڕیاری لێدراوه".
سه‌باره‌ت به‌وه‌ی له ئێستادا نرخی هه‌ر دۆلارێک له سه‌روو 1470 دیناره، شیروان میرزا ده‌ڵێت: "پێمانوایه هه‌وڵێک هه‌یه له‌لایه‌ن بانکی ناوه‌ندییه‌وه بۆ ئه‌وه‌ی له‌وه زیاتر به‌رزنه‌بێته‌وه و بانکه‌که ده‌توانێت ئه‌و کاره بکات".
کاتێکی پێشتر لیژنه‌ی ئابووری و به‌رهه‌مهێنانی په‌رله‌مان رایگه‌یاند که چاره‌سه‌رکردنی کاریگه‌رییه‌کانی به‌رزبوونه‌وه‌ی نرخی دۆلار له‌سه‌ر بازاڕه‌کان پێویستی به کاته.